عجينة مورقة سحرية اكسبرس/ وحضرت بها مونشون محشي بكريمة الجبن سهلة سريعة وبزاف بنينة Kuwait

السلام عليكم ورحمة الله، مرحبا بكم في مطبخ أم ماريا نتمنى تعملوا اعجاب للفيديو للتشجيع، الاشتراك في القناة وتفعيل الجرس ليصلكم كل جديد باذن الله حضرت في هذا الفيديو 3وصفات العجينة المورقة السحرية السريعة التي نستطيع استعمالها فورا دون ان ترتاح وحضرت بها مونشون و حضرت كريمة الجبن لحشيت بها المونشون ...رائعة العجينة تستعملوها لمملحاتكم متحتاجوش تستناو وقت طويل والنتيجة مرضية باذن الله جربوها حبيباتي وبالتوفيق. وصفة العجينة المورقة: المقادير 500غ فرينة 300غ زبدة التوريق ملعقة صغيرة ملح 2 ملاعق كبيرة زيت نبسس مليح العجينة حتى تترمل نحك بين يديا حتى ندخل مليح الزبدة في الفرينة كأس ناقص اصبع ماء نلم به العجينة لازم تكون متماسكة نرش طاولة العمل بالفرينة نبسط العجينة الى مستطيل ثم نرفد الجهة اليمنى نطويها للوسط ننزع كامل الفرينة الزائدة عليها لأنها تمنع التوريق ثم نرفد الجهة اليسرى من العجينة ونحطها فوق الجهة اليمنى و هنا نكونوا تحصلنا على 1 توغ le 1er tour نعاود نفتح العجينة الى مستطيل و نكرر نفس العملية == 5 مرات وانا نعمل هاذي العملية يعني بالاجمال 6 توغ و تصبح العجينة جاهزة للاستعمال فورا. كريمة الجبن: المقادير: ملعقة زبدة ملعقة مايزينة كأس حليب بارد حبة بيض قرصة ملح فص ثوم نحرك حتى تعقد ونطفي عليها نزيدلها: رشة فلفل أسود قطعة جبن طري أو 5 جبن مثلثات واش متوفر عندك نخليها تبرد ونستعملها للحشو المونشون: نأخذ القليل من العجينة المورقة نبسطها الى مستطيل بسمك رقيق ثم نأخذ القليل من كريمة الجبن نوضعه كيما نوضع الحشو تاع البوراك على طول المستطيل ثم نطوي مرة و نزيد مرة أخرى واذا حبيتيهم بزاف منفخين زيدي الطوية الثالثة واذا خفت تتفتح ادهني بالقليل من بياض البيض ثم قطعي الحربوش ديالك الى قطع متساوية طولها يتراوح 7سم نحكم الحبة الاولى ونقيسها على كامل الحبات الأخرى باش يجيو كامل بنفس الطول نوضعهم في صينية فرن ندهنهم بالبيض ثم ندخلهم لفرن ساخن على 200° لمدة 5د في الأول ثم ننقص للفرن الى 180° ونخليها 45 الى 50د حتى تتنفخ وتتحمر من التحت نحمرها شوية من الفوق. كي نحيهم من الفرن ندهن أطراف المونشون بكريمة الجبن ونمررهم في جبن مبشور.

Category